Stone Ship - കല്ല് കപ്പൽ ...

സ്കാൻഡിനേവിയ, വടക്കൻ ജർമ്മനി, ബാൾട്ടിക് സംസ്ഥാനങ്ങൾ എന്നിവിടങ്ങളിലെ ശ്മശാന സമ്പ്രദായമായിരുന്നു കല്ല് കപ്പൽ അല്ലെങ്കിൽ കപ്പൽ ക്രമീകരണം. ശവക്കുഴിയുടെയോ ശ്മശാനത്തിന്റെയോ ചുറ്റും ഒരു ബോട്ടിന്റെയോ കപ്പലിന്റെയോ ആകൃതിയിൽ സ്ലാബുകളോ കല്ലുകളോ കൊണ്ട് അവ ക്രമീകരിക്കുന്നു. അവ സി. ബിസി 1000 മുതൽ എ ഡി 1000 കാലഘട്ടത്തിൽ ഉള്ളതാണെന്ന് അനുമാനിക്കുന്നു.

എട്ടുമുതൽ പതിനൊന്നാം നൂറ്റാണ്ടുവരം സ്കാൻഡിനേവിയൻ തീരത്തുനിന്ന് കടൽമാർഗ്ഗം പുറപ്പെട്ട് യൂറോപ്പിൻ്റെ എല്ലാ ഭാഗത്തും ആധിപത്യം സ്ഥാപിച്ച നോർസ് അഥവാ വൈക്കിങ്ങുകൾ അവരുടെ ലോങ്ഷിപ്പുകൾ എന്നറിയപ്പെടുന്ന അവരുടെ കപ്പലുകൾ അവരുടെ സംസ്കാരത്തിൻ്റെ തന്നെ ഭാഗമാണ്.

(സ്കാൻഡിനേവിയൻ ജനതയിലെ ഒരു വിഭാഗമാണ് വൈക്കിങ്ങുകൾ. പര്യവേഷകർ, പോരാളികൾ, വ്യാപാരികൾ, കടൽക്കൊള്ളക്കാർ എന്നീ നിലകളിൽ ഇവർ പ്രശസ്തരാണ്. 8-ആം നൂട്ടാണ്ടിന്റെ അവസാനകാലം മുതൽ 11-ആം നറാണ്ടിന്റെ ആദ്യ കാലഘട്ടം വരെ ഇവർ യൂറോപ്പിലെ വിസ്തൃതമായ പ്രദേശങ്ങൾ കൊള്ള ചെയ്യുകയും കോളനിവൽക്കരിക്കുകയും ചെയ്തു)

വൈക്കിങ് തലവൻമാരുടെ ശവശരീരം അവരുടെ കപ്പലുകളോടൊപ്പമാണ് സംസ്കരിച്ചിരുന്നത്. ശവസംസ്കാരത്തിന് ഒരു കപ്പൽ ലഭ്യമല്ലാത്ത അവസരങ്ങളിലാണ് കല്ലുകൊണ്ടുള്ള കപ്പൽ പ്രതീകാത്മകമായി നിർമ്മിച്ചിരുന്നത്. ഇത്തരം സ്മാരകങ്ങൾ സ്കാൻഡിനേവിയയിൽ എല്ലായിടത്തും കാണാം. ഏറ്റവും വലുതിന് ഏതാണ് 180 അടി വരെ നീളമുണ്ട്.

ശവസംസ്കാരത്തിന് ശേഷം ശവക്കുഴിയെ ചുറ്റി കപ്പലിന്റെ രൂപത്തിൽ ഭൂമിയിൽ ഉയർത്തുന്ന കല്ലുകൾ ആയിരുന്നു നോർ‌സ് ജനതയുടെ ശവസംസ്ക്കാരത്തിന്റെ പ്രത്യേകത. മരിച്ച ആൾക്കുണ്ടായിരുന്ന പദവിയും അധികാരവും ഒക്കെയാണ് ശവകുടീരത്തിൽ ബഹുമാനപൂർവ്വം അർപ്പിക്കുന്ന വസ്തുക്കളെ നിർണ്ണയിച്ചിരുന്നത്. അടിമകളെ ബലിയർപ്പിക്കുന്നതും ഇത്തരം ശവസംസ്കാരത്തിന്റെ ഭാഗമായിരുന്നു. ശവസംസ്ക്കാരത്തിന് ശേഷം ശവകുടീരത്തിൽ കല്ലുകൾ തോണിയുടെ രൂപത്തിൽ ഉയർത്തി വെക്കുന്നു. ഇങ്ങനെ ഉയർത്തി വെച്ചിരിക്കുന്ന കല്ലുകൾ ചിത്രങ്ങളിൽ കാണാം.

ഈ കല്ല് കപ്പലുകൾ പ്രതീകാത്മക പാത്രങ്ങളായി മരിച്ചവരെ മരണാനന്തര ജീവിതത്തിലേക്ക് കൊണ്ടുപോകാൻ ഉപയോഗിച്ചിരുന്നുവെന്ന് പുരാവസ്തു ഗവേഷകർ കരുതുന്നു. ഇന്ന് നിലനിൽക്കുന്ന കല്ല് കപ്പലുകളിൽ ഏറ്റവും വലുത് ഡെന്മാർക്കിൽ സ്ഥിതി ചെയ്യുന്ന ജെല്ലിംഗ് കല്ല് കപ്പൽ ആണ്. 170 മീറ്റർ ആണ് ഇതിന്റെ നീളം.